1209B
ಗೋಲ್ಡನ್ ಗ್ಲೋಬ್ ನ ಪ್ರಶಸ್ತಿ ಗೆದ್ದುಕೊಂಡ ತಂಡ
ಮುಂಬಯಿಯ ಕೊಳೆಗೇರಿಯ ಕಥಾವಸ್ತು ಒಳಗೊಂಡ, ಹಿಂದಿ ನಟರನ್ನು ಒಳಗೊಂಡ ಇಂಗ್ಲಿಷ್ ಸಿನಿಮಾ “ಸ್ಲಂಡಾಗ್ ಮಿಲಿನಿಯೇರ್ ” ಬಹಳ ಸುದ್ದಿ ಮಾಡಿದೆ. ಭಾರತೀಯ ಲೇಖಕ ವಿಕಾಸ್ ಸ್ವರೂಪ್ ಕಾದಂಬರಿ ಆಧರಿತ  ಈ ಚಿತ್ರ ಅಂತಾರಾಷ್ಟ್ರೀಯ 66 ನೇ ಗೋಲ್ಡನ್ ಗ್ಲೋಬ್ ನ ನಾಲ್ಕು ಪ್ರಶಸ್ತಿಯನ್ನು ಗೆದ್ದುಕೊಂಡಿದೆ. ಅತ್ಯುತ್ತಮ ಚಿತ್ರ, ಅತ್ಯುತ್ತಮ ನಿರ್ದೇಶನ (ಡ್ಯಾನಿ ಬೋಯ್ಲೆ), ಸ್ಕ್ರೀನ್ ಪ್ಲೇ (Simon Beaufoy), ಸಂಗೀತ (ಒರಿಜಿನಲ್ ಸ್ಕೋರ್ ವಿಭಾಗದಲ್ಲಿ ಎ. ಆರ್. ರೆಹಮಾನ್) ವಿಭಾಗದಲ್ಲೂ ಪ್ರಶಸ್ತಿಗೆ ಆಯ್ಕೆಯಾಗಿದೆ. 
ಈ ಕುರಿತ ಬ್ಲಾಗ್ ಗಳ ಬರಹಗಳನ್ನು ಹುಡುಕುತ್ತಿದ್ದಾಗ ಸ್ಲಂಡಾಗ್ ಮಿಲಿನಿಯೇರ್ ಬಗ್ಗೆ ಸಿಕ್ಕ ಮತ್ತೊಂದು ಬರಹ ಹೇಮಶ್ರೀ ಅವರದ್ದು. ವಿದೇಶದಲ್ಲಿರುವ ಹೇಮಶ್ರೀ ಒಬ್ಬ ಉತ್ತಮ ಸಿನಿಮಾಸಕ್ತೆ. ಸಿಟಿ ಆಫ್ ಗಾಡ್, ಸಲಾಂ ಬಾಂಬೆಯಂಥ ಸಿನಿಮಾಗಳ ಚಹರೆಗೆ ಅಲ್ಲಲ್ಲಿ ಹೋಲಿಕೆ ಬರುವಂಥ ಸ್ಲಂಡಾಗ್ ಮಿಲಿನಿಯೇರ್ ಸಿನಿಮಾ ಬಗ್ಗೆ ತಮ್ಮ ಬ್ಲಾಗ್ ನಲ್ಲಿ ಬರೆದುಕೊಂಡಿದ್ದಾರೆ.
*
ಆ ಸಿನಿಮಾ ಮೊದಲು ನನ್ನನ್ನು ಆಕರ್ಷಿಸಿದ್ದು ಭಾರತೀಯ ನೆಲೆಯೆದ್ದು ಎಂಬ ಕಾರಣಕ್ಕೆ. ಜತೆಗೆ ಭಾರತೀಯ ಲೇಖಕ ವಿಕಾಸ್ ಸ್ವರೂಪ್ ನ ಕಾದಂಬರಿ ಆಧರಿತ ಎಂಬುದು. ಅಲ್ಲದೇ ಇದರ ಹಿನ್ನೆಲೆ ಸಂಗೀತ ಎ. ಆರ್. ರೆಹಮಾನ್ ನದ್ದು ಎಂಬ ಹಲವು ಕಾರಣ ಈ ಚಿತ್ರದತ್ತ  ಒಲವು ಬೆಳೆಸಿತು. ಇವುಗಳೊಂದಿಗೆ ಗೋಲ್ಡನ್ ಗ್ಲೋಬ್ ಪ್ರಶಸ್ತಿ ಗೆದ್ದದ್ದೂ ಸಹ.
 
ಡಾನಿ ಬೋಯ್ಲೆ ಅವರ ನಿರ್ದೇಶನ ಕಾದಂಬರಿಯ ಸನ್ನಿವೇಶಗಳನ್ನು ಮುಂಬಯಿಯ ಬೀದಿ, ಗಲ್ಲಿಗಳಲ್ಲಿ ನೈಜಗೊಳಿಸುತ್ತಾ ಹೋಗುತ್ತದೆ. ಸಿನಿಮಾ ಆರಂಭವಾದ ಕೆಲ ಕ್ಷಣಗಳಲ್ಲೇ ಇದರ ಮೇಲೆ 2002 ಬ್ರೆಜಿಲ್ ಕ್ಲಾಸಿಕ್, ಸಿಟಿ ಆಫ್ ಗಾಡ್ ಇತ್ಯಾದಿ ಸಿನಿಮಾಗಳ ಪ್ರಭಾವ ದಟ್ಟವಾಗುತ್ತದೆ. ಆದರೆ ಸಿಟಿ ಆಫ್ ಗಾಡ್ ಇನ್ನೂ ಹೆಚ್ಚು ದಟ್ಟವಾಗಿ ಕಾಡುವಂಥದ್ದು, ಪ್ರಭಾವ ಬೀರುವಂಥದ್ದು ಹಾಗೂ ಪವರ್ ಪುಲ್ ಎನಿಸಿತು. ಈ ಹಿಂದೆ ಆಸ್ಕರ್ ಗೆ ನಾಮನಿರ್ದೇಶಿಸಲ್ಪಟ್ಟ ಸಲಾಂ ಮುಂಬಯಿಯೂ ನನ್ನ ಕಣ್ಣೆದುರು ಬಂದು ಹೋಯಿತು.
ಈ ಮಧ್ಯೆಯೂ ಕೆಲವೆಡೆ ಸ್ಲಂಡಾಗ್ ಮಿಲಿಯೇನರ್ ಚಕಿತಗೊಳಿಸುತ್ತದೆ.ಆದರೆ…
ಹೆಚ್ಚಿನ ಬರಹಕ್ಕೆ ಅವರ www.smilingcolours.blogspot.com  ಓದಿ ಅನಿಸಿಕೆಯನ್ನು www.saangatya@gmail.com ನೊಂದಿಗೆ ಹಂಚಿಕೊಳ್ಳಿ.
ತಾರಾಗಣ : ದೇವ್ ಪಟೇಲ್, ಅನಿಲ್ ಕಪೂರ್, ಇರ್ಫಾನ್ ಖಾನ್, ಫ್ರಿದಾ ಪಿಂಟೋ ಇತ್ಯಾದಿ
Advertisements